Ataatsimeersuarnermi akuersissutigineqarpoq –
13. maj 1997
 Allannguuteqartinneqarlutik 19. maj 1998
 Allannguuteqartinneqarlutik 5. maj 1999
 Allannguuteqartinneqarlutik 25. maj 2000     
 Allannguuteqartinneqarlutik 10. maj 2005

§1
Peqatigiiffiup ateraa Nuuk TV. Peqatigiif­fik Nuup Kommuneani angerlarsimaffeqar­poq.

§2
Peqatigiiffiup siunertaraa Nuummi TV-kut aallakaatitassiortarnissaq aallakaatitsisar­nissarlu, taakkununnga ilanngullugit illo­qarfimmi najugallit ulluinnarni atugari­saannik isiginnaagassiortarnissaq, aamma­lu ateq Nanoq Film atorlugu film-inik video-nik TV-kullu isiginnaagassianik, kiisalu siulersuisut naliliinerat malillugu taakkununnga assingusunik aallakaatitas­siortarnissaq tuniniaasarnissarlu.

 §3
Stk. 1 Ilaasortanngorsinnaapput inuit, ino­qutigiittut taaneqarnissamut ukiumikkut inuutinngitsut, suliffeqarfiit, ilinniagaqartut najugaqarfii, innuttaasunik sullissiviit assi­gisaallu.

Stk. 2 Suliffeqarfik, ilinniagaqartut najuga­qarfiat, innuttaasunik sullissivik assigisaal­lu ilaasortatut ataasiusutut ilaasortanngor­sinnaapput, tv-kullu bingornerni inuit nam­minneq ilaasortaasariaqarfianni peqataasin­naanatik.

Stk. 3 Inuit namminneerlutik ilaasortatut pisinnaatitaapput peqatigiiffiup ingerlatari­sartagaanut peqataanissaminnut, aammalu immikkut akiliuteqarnermikkut aallakaati­tassianut assiliartai ersernerlussakkanut isiginnaaqataanissamut.

§4
Ilaasortaanermut akiliut, ilaasortanut tama­nut assigiissoq, ileqquusumik ataatsimeer­suarnermi aalajangersarneqartassaaq.

§5
Stk. 1 Peqatigiiffiup aallakaatittagaanut assiliartai ersernerlussagaanut akornute­qanngitsumik isiginnaarsinnaanissamut immikkut akiliuteqartoqartassaaq, akiliutis­sarlu siulersuisunit aalajangersarneqartas­saaq.

Stk. 2 Akiliuteqarsimasoq kisimiilluni pi­sinnaatitaavoq ersernerlussagaanngitsunik isiginnaarnissamut.
Taama pisinnaatitaaneq atornerlullugu isi­ginnaarsinnaaneq allanut akiliisimanngitsu­nut ingerlateqqissimappagu ilaasortaq ator­nerluisimasoq Nuuk TV-mut akiliisinne­qartassaaq akiliutaasussaagaluit annaane­qartariaqarsimasut annertoqataannik.
Aammattaaq ilaasortat ilaasortaanerminnut akiliutissaminnik kinguaattoorsimasut taa­matut akiliisinneqartassapput.

Stk. 3 Siulersuisut akiliutissat aalajanger­tassavaat ukununnga: Paaqqinnittarfiit, napparsimavik, utoqqaat illuat, ilinniartut najugaqarfii assigisaallu, Nuuk TV-ip sule­qatigisaasalu iluminni aalajangiussaat naa­pertorlugit.

Stk. 4 Siulersuisut aalajangissavaat mar­lunnik decoder-eqaraanni ersernerlussa­gaanngitsumik isiginnaarsinnaanissamut inoqutigiit (ilaasortat) qanoq akiliisinne­qassasut.

§6
Stk. 1 Ilaasortaanermut akiliut aammalu assinik ersernerlussagaanngitsunik isigin­naarsinnaanissamut akiliut akilerneqareer­simasassapput kingusinnerpaamik qaam­matip aallaqqaataani, taakkulu siumoortu­mik akilerneqartussaapput.

Stk. 2 Ilaasortat ilaasortaanerminnut akiliu­tissaminnik kinguaattooqqasut peqatigiif­fiup ingerlatarisartagaanut peqataasinnati­taanngillat, tamatumunnga ilaalluni ileq­quusumik ataatsimeersu-
arnermi peqataa­sinnaajunnaarsitaaneq.

Stk. 3 Ilaasortat ilaasortaanrminnut akiliu­tissaminnik imaluunniit assinik erserner­lussagaanngitsunik isiginnaarsinnaanissa­mut akiliutinik kinguaattooqqasut, akilii­nissaasa tungaanut decoderii matuneqaral­lartassapput. Ammaaqqinnissamut akiliutip angissusissaa siulersuisunit aalajangerne­qassaaq.

§7
Stk. 1 Ataatsimeersuarneq peqatigiiffimmi oqartussaasuni qullersaavoq, ataatsimmer­suariartoqqusisoqartarporlu sivikinnerpaa­mik ullunik 14-inik sioqqutsilluni illoqar­fimmi tusaatikkut marloriarluni isiginnaa-
rutikkullu ikinnerpaamik pinga­soriarluni nalunaarutiginninnikkut.

Stk. 2 Ilaasortatut ataatsitut nalunaarneqar­simasut ataatsimik taasisinnaatitaapput.
Taamaattorli ilaasortaq, ataatsimeersuar-nermut peqataasinnanngitsoq, allakkanik taasinermut pisinnaatitsissutinik Nuuk TV-mi ilaasortamut allamut tunniussisinnaa-
voq, ilaasortaq qulaani pineqartoq sin-
nerlugu taasinissamut.
Ilaasortaq Nuuk TV-p ataatsimeersuarnera-ni allakkanik pisinnaatitsissutinik amerla-nerpaanik marlunnik nassarsinnaavoq.

Stk. 3  Ataatsimeersuarnermi aalajangersi­soqartarpoq nalinginnaasumik amerlane-
russuteqartarnikkut. Malittarisas­salli allanngortinneqassappata peqatigiiffil­lu atorunnaarsinneqassappat piumasarine­qarpoq amerlanerussuteqarluassasut §10 aamma §19 malillugit.

§8
Stk. 1 Ileqquusumik ataatsimeersuartoqar­tarpoq ukiut tamaasa maj-imi. Ataatsimeer­suarnermi oqaluuserisassat ikinnerpaamik makkuussapput:

1. Aqutsisussamik qinersineq
2. Siulersuisut nalunaarutaat
3. Siulersuisut naatsorsuutinik kukkunersiorneqarsimasunik saqqummiussinerat
4. Siunnersuutinik tiguneqarsimasunik oqaluuserinninneq
5. Siunissami ingerlatsinissaq
6. Ilaasortaanermut akiliutip aalajangersarneqarnera
7. Malittarisassat tunngavigalugit siulersuisussanik kingoraartissanillu qinersineq
8. Kukkunersiuisussamik qinersineq
9. Allat.

Stk. 2 Ilaasortat siunnersuutissatik alla­ganngorlugit siulittaasumut siulittaasul­luunniit tullianut tunniuttassavaat taamaa­liortassappullu kingusinnerpaamik ataatsi­meersuarnissaq ullunik sisamanik sioqqul­lugu.

§9
Stk. 1 Immikkut ittumik ataatsimeersuarto­qartassaaq siulersuisut imaluunniit ilaasor­tat ikinnerpaamik 25-it tamanna allakkati­gut piumasarisimappassuk.

Stk. 2 Immikkut ittumik ataatsimeersuar­nissamik kissaatigisat siulittaasumut siulit­taasulluunniit tullianut tunniunneqartassap­put oqaluuserisassatut siunnersuutinik ilal­lugit.

Stk. 3 Taamatut piusoqartillugu siulittaa­soq pisussaasarpoq - sivikinnerpaamik ul­lunik 14-inik sioqqutilluni - immikkut ittu­mik ataatsimeersuariartoqqusinissaminut, taannalu ingerlanneqartassaaq nalunaaruti­ginninnermiit sapaatit akunnerisa sisamat qaangiutinnginneranni.

§10
Stk. 1 Malittarisassat allanngortinneqarsin­naapput taamaallaat ileqquusumik ataatsi­meersuarnermi, aammalu aatsaat tamatu­map siunnersuutigineqarnissaa ilanngullu­gu taaneqarsimappat.

Stk. 2 Malittarisassat allanngortinneqarsin­naapput taaseqataasinnaallutik ataatsimeer­suaqataasut 2/3-iisa tamanna akuersissuti­gippassuk.

§11
Ileqquusumik ataatsimeersuarnermi qiner­sisoqassaaq kukkunersiuisumik peqatigiif­fiup naatsorsuutaanik kukkunersiuisuusus­samik. Atuutsinneqartassallunilu ukiuni marlunni.

§12
Stk. 1 Peqatigiiffik siulersorneqassaaq siu­lersuisunit arfineq pingasunik ilaasortalim­mik, taakkulu ilaat arfineq marluk ilaasor­tanit ataatsimeersuariaqataasimasunit qi­nerneqartassapput. Ilaasortat qinigassann­gortikkumallutik allakkatigut akuersisima­sut, qinigassanngortissinnaasassapput.

Stk. 2 Nuuk TV-imi Nanoq Film-imilu sulisut siulersuisunut qinigaasinnaassann­gillat, taakkuli ilaminnik sinniisissaminnik , siulsersuisuni ilaasortaasussamik qinersi­sinnaapput. Sulisut sinniisissaannik qiner­sisarnermut malittarisassat sulisut nammin­neq aalajangertassavaat.

Stk. 3 Qinigaasoqartarpoq ukiuni marlunni atasussatut, taamaattorli imaalillugu ilaa­sortat ilaat sisamanut ukiuni 2-mik aggu­arnqarsinnaasunik kisitsisitalinni qinigas­sanngortassallutik.

Stk. 4 Ukiut tamaasa sinniisussamik siul­lermik, aappaannik pingajuannillu qinersi­soqartassaaq.
Stk. 5 Siulersuisut suleriaasissartik nam­minneerlutik aalajangertassavaat.

Stk. 6 Siulersuisuni ilaasortaaniaraanni
Aalajangersimasumik najugaqartuunissaq inuillu allattorsimaffianni allassimasuu-
Nissaq pisariaqarpoq.

§13
Stk. 1 Siulersuisut ataatsimeersuarnerup kinguninnguatigut inissitsitertassapput siu­littaasoqalerlutik, siulittaasumut tulleqaler­lutik allatseqalerlutillu.
Taakku arlaalluunniit piffissap qinigaaffiu­sup iluani tunuarpat taava siulersuisut inis­sitsiteqqissaapput.

Stk. 2 Sinniisussat siulersuisut ataatsimiit­tarnerinut aggersarneqarsinnaapput, siuler­suisunullu ilaasortanngorsinnaallutik, qini­gaanerpaasimasut siulliullugit.

Stk. 3 Siulersuisut aalajangiisinnaassuse­qartassapput ilaasortat affaat najuuppata. Taasinerit amerlaqatigiippata siunnersuut oqaluuserineqartoq atortussanngortinneqar­tassanngilaq.

Stk. 4 Siulersuisut akunnerminni aammalu ilaasortat akornanni programudvalg-imik pilersitsisinnaapput, udvalg-iliaasorlu taan­na aaqqissuisoqarfik peqatigalugu aallakaa­titassanik pilersaarusiortassaaq.

§14
Siulersuisut pisinnaatitaapput peqatigiif­fiup ingerlanneqarneranut akisussaalluni pisortaasussamik atorfinitsitsinissaminnut. Pisortaasoq akisussaasuuvortaaq peqatigiif­fiup aallakaatitassiarisartagaanut.

§15
Peqatigiiffik pisussaaffilerneqarsinnaavoq taamaallaat pigisami nalillit nalinginut.

 §16
Stk. 1 Siulersuisut peqatigiiffik sutigut tamatigut sinniisuuffigissavaat. Utaqqisin­neqarsinnaanngitsunik pisoqartillugu siulit­taasoq - siulersuisuni ilaasortamik ataatsi­mik ilaqarluni pisinnaatitaavoq siulersuisut sinnerlugit qanoq iliuuseqartarnissamut, siulersuisulli ataatsimiinnissaanni siullermi pisimasut saqqummiutissavai.

Stk. 2 Siulittaasup peqannginnerani taassu­map akisussaaffii pisussaatitaaffiilu siulit­taasup tulliata isumagisassavai.

§17
Piffissaq naatsorsuusiorfik ingerlasarpoq januar-ip aallaqqaataaniit december-ip 31-iannut. Naatsorsuutit kukkunersiorneqarsi­masut peqatigiiffimmi ilaasortat takuniar­tarsinnaavaat peqatigiiffiup allaffianut siu­littaasumulluunniit kingusinnerpaamik ulloq ataatsimeersuarfiusussaq sapaatip akunneranik ataatsimik sioqqullugu.

§18
Stk. 1 Siulersuisut peqatigiiffiup isertitai aningaasaataalu peqatigiiffiup aningaasar­tuutaanut atortassavaat taakkulu pillugit naatsorsuutinik ukiumoortumik ataatsime­ersuarnermi saqqummiussisassallutik. Naatsorsuutit siulersuisut ilaasortaannit tamanit atsiorneqarsimassapput.

Stk. 2 Pigisanik aalaakkaasunik pisineq, tunisaqarneq qularnaveeqqusiussinerluun­niit aammalu peqatigiiffik sinnerlugu taar­sigassarsiniarneq aatsaat pisinnaasassapput siulittaasup ikinnerpaamillu siulersuisuni ilaasortat ilaasa pingasut akuersillutik at­siornerisigut.

§19
Stk. 1 Peqatigiiffik aatsaat atorunnaarsin­neqarsinnaavoq ileqquusumik ataatsimeer­suarnermi, aammalu ataatsimeersuarnissa­mut aggeqqusissummi atorunnaarsitsinis­saq siunnersuutigineqarsimappat. Atorun­naarsitsinissap akuersissutigineqarnissaa­nut piumasarineqassaaq taasisinnaasutut ataatsimeersuarqataasut ikinnerpaamik pingasorarterutaasa marluk atorunnaarsitsi­nissamik piumasaqarnissaat.

Stk. 2 Atorunnaarsitsinissaq isumaqatigiis­sutigineqarpat peqatigiiffiup pigisai nalillit kultur-imik suliniutinut atorneqassapput inunnut ataasiakkaanut agguaanneqassana­tik.

Stk. 3 Pigisat nalillit qulaani allassimasut najoqqutaralugit atorneqarnissaat taasiner­mi amerlanerussuteqarnikkut aalajangiiffi­gineqassapput.